廠商會慶88周年與民同樂 贊助88個基層兒童遊機河

廠商會今年踏入88周年，適逢香港回歸25周年，黛安知道，廠商會下個月起將陸續舉辦連串慶祝活動，好似9月「生日月」廠商會旗下網店「CMA良倉」會推出88折購物優惠，又會喺亞博館舉辦工展會，實行如眾同樂！

黛安噚日都有出席廠商會嘅回歸及周年誌慶活動啟動禮，會長史立德預告，下月起至12月，幾乎每月都有慶祝活動，包括經濟論壇、賽馬日、龍舟競賽、香港美食嘉年華等，亦會贊助88名基層兒童和家長搭飛機「遊機河」。

史會長希望連串活動可展示香港優勢和凝聚正能量，增強各界對香港未來發展嘅信心，又透露正與政府部門洽談，希望喺港珠澳大橋籌辦馬拉松。對於新一屆政府即將上場，佢話覺得係「展示香港真章」嘅時候，希望候任特首李家超可以帶領香港走出疫情。